🏛️ विशेष सखोल पुनरिक्षण (SIR) कार्यक्रम - एक दृष्टिक्षेप

भारतीय निवडणूक आयोगाच्या निर्देशानुसार महाराष्ट्रात मतदार याद्यांचे विशेष सखोल पुनरिक्षण (SIR) अभियान राबवले जात आहे. या प्रक्रियेद्वारे मतदार यादी अधिक अचूक, पारदर्शक आणि अद्ययावत केली जात आहे. नागरिकांच्या सोयीसाठी ही प्रक्रिया टप्प्याटप्प्याने पार पाडली जात आहे. BLO म्हणजे “मतदान केंद्रस्तरीय अधिकारी” (Booth Level Officer). हे आपल्या मतदान केंद्राच्या क्षेत्रातील मतदार यादीची पडताळणी व अद्ययावत करण्याचे काम करतात. नागरिकांनी कोणत्याही प्रकारची लागणारी माहिती मिळविण्यासाठी, तसेच विविध अर्ज भरून दाखल करण्यासाठी आपल्या अधिनस्थ BLO यांच्याशी संपर्क साधावा.

📅 विशेष सखोल पुनरिक्षण (SIR) सुधारित वेळापत्रक (Revised Schedule):

सध्या दिनांक ३१ ऑगस्ट २०२६ ते ३० सप्टेंबर २०२६ या कालावधीत नागरिकांकडून दावे आणि आक्षेप (Claims and Objections) स्वीकारले जात आहेत. या कालावधीत ज्या नागरिकांच्या नावात दुरुस्ती करावयाची आहे, नवीन नाव नोंदवायचे आहे किंवा नाव वगळण्याबाबत आक्षेप घ्यायचा आहे, ते योग्य त्या अर्जाद्वारे (फॉर्म ६, ७, ८ इ.) अर्ज करू शकतात.