आमच्याविषयी

महाराष्ट्र राज्य नागरी सेवेतील प्रांत अधिकारी किंवा उपविभागीय अधिकारी हे राजपत्रित दर्जाचे वर्ग (१) म्हणजे गट "अ" मधील सर्वोच्च पद आहे. उपविभागीय अधिकारी हे जिल्हाधिकारी (भा.प्र.से.) यांना जिल्ह्यातील प्रशासकीय यंत्रणा सांभाळण्यासाठी मदत करतात.

उपविभागीय अधिकारी यांची कार्ये

• राज्य महसूल विभागाच्या उपजिल्हा/उपविभाग स्तरावर अधिकारी म्हणून काम करणे.
• उपविभागीय दंडाधिकारी (SDM) म्हणून कायदा व सुव्यवस्था राखण्याचे कामकाज पाहणे.
• उपविभागीय निवडणूक अधिकारी म्हणून निवडणुकीचे सर्व महत्त्वपूर्ण कामकाज पाहणे.
• उपविभागातील प्रशासकीय धार्मिक ट्रस्टचे सचिव म्हणून जबाबदारी सांभाळणे.

कुडाळ उपविभाग

कुडाळ उपविभागांतर्गत तालुका कुडाळ व तालुका मालवण विषयी कार्यवाही करण्यात येते. २०१३ साली कुडाळ उपविभाग स्वतंत्रपणे अस्तित्वात आला. त्यापूर्वी कुडाळ तालुका सावंतवाडी उपविभागात आणि मालवण तालुका कणकवली उपविभागात येत असे.